Mga kwalipikasyon sa Special Program for the Employment of Students ng DepED

MANILA, Philippines – Inumpisahan na nitong Lunes ng Department of Education (DepED) ang pagtanggap ng mga aplikasyon para sa Special program for the Employment of Students (SPES) para sa taong 2014.

Ang SPES ay taunang programa ng DepED na naglalayong magbigyan ng pagkakataong makapagtrabaho ang mga estudyante habang summer vacation.

Layunin din nito na maturuan ang mga estudyante na maging produktibo tuwing bakasyon.

Sakaling matanggap, tatagal ng tatlumpung araw ang trabaho ng mga magaaral sa ilalim ng SPES 2014.

“Magtatrabaho sila doon sa mga ahensya ng pamahalaan for 30 days, kasi hindi naman pwedeng hanggang pasukan, supposed to be gagamitin nila yung earnings nila doon sa pangtustos ng mga gastusin sa kanilang pagaaral,” pahayag ni DepED Assistant Secretary Jesus Mateo.

Sa mga nagnanais na makasali sa SPES narito ang mga sumusunod na kwalipikasyon para sa summer jobs. Una, kailangang estudyante o out of school youth na may edad na 18 hanggang 25 taong gulang.

Kinakailangang naka-enroll sa isang paaralan o kung hindi naman ay dapat na may intensyong makapag-enroll sa susunod na pasukan.

Hindi dapat na humigit sa P143,000 ang taunang kita ng mga magulang. Kinakailangan din na mayroong office-related o computer-related skills ang isang aplikante.

Kinakailangan din na maihanda ang mga sumusunod na dokumento para sa mga interesadong aplikante

Certified tru copy ng baptismal certificate o NSO copy ng birth certificate, income tax return o ITR ng mga  magulang. Kung walang ITR, kinakailangang humingi ng sertipikasyon mula sa BIR na magpapatunay na hindi hihigit sa P143,000 ang taunang kita ng mga magulang.

Maaari ding magpasa ng sertipikasyon mula sa baranggay na magpapatunay sa economic status ng pamilya ng aplikante.

Kung nasa kolehiyo naman, kinakailangan na makapagpasa ng  kopya ng grades noong nakaraang semester.

Para naman sa mga out of school youth, maaring ipakita ang kopya ng grades noong nag-aaral pa at certificate of indigence mula sa barangay.

Maaaring ipasa ang mga kinakailangang dokumento kasama na ang application form sa pamamagitan ng pag-e-email sa youthinformation@deped.gov.ph.

Tatagal ang pagpapasa ng aplikasyon hanggang sa Miyerkules, Marso 12, simula alas-9 ng umaga hanggang ala-6 ng gabi. (Joan Nano / Ruth Navales, UNTV News)

Bar Exams 2013 Results

TOP 10:

1. Nielson Pangan – University of the Philippines — 85.8%

2. Mark Xavier D. Oyales – University of the Philippines — 85.45%

Dianna Louise R. Wilwayco – Ateneo de Manila — 85.45%

3. Rudy Ortea – University of Batangas—  84.2%

4. Eden Catherine Mopia – University of the Philippines — 84.05%

5. Tercel Maria Mercado-Gephart – University of San Carlos —  83.9%

6. Manuel Sarausad – University of Cebu — 83.8%

7. Katrine Suyat – San Beda College Manila —  83.75%

8. Michael Tiu Jr – University of the Philippines —  83.70%

9. Marjorie Ivory Fulgueras – Ateneo de Manila — 83.65%

10. Cyril Arnesto – University of the Philippines — 83.60%

——————————————————————————

COMPLETE LIST of the 1174 Bar Exam Passers in alphabetical order .

TOP 10 of 2013 Bar Exams
(Supreme Court of the Philippines)

MANILA, Philippines – Inilabas na ng Korte Suprema nitong Martes ang resulta ng 2013 Bar Examinations.

174 examinees ang pasado sa 2013 Bar Exams na idinaos sa University of Santo Tomas nitong nakaraang Oktubre. Katumbas ito ng 22% ng kabuoang bilang ng examinees na kumuha ng pagsusulit.

Topnotch ang UP College of Law graduate na si Nielson Pangan na nakakuha ng 85.8% rating. Pasok din sa Top 10 ang apat pang graduate ng UP at dalawa mula sa Ateneo.

Ayon kay Associate Justice Arturo Brion na chairman ng Bar Exams Committee, binabaan ng Korte Suprema ang passing rate na 75 at ginawang 73 lamang. Kung hindi aniya binabaan ang passing rate ay 694 lamang ang pasado.

Ayon pa sa mahistrado, discretion ng Korte Suprema na i-adjust ang passing rate ng bar exams.

“We have a long, long discussion about this and the Court finally decided that he grade should be lowered to 73% in light of various factors that the Court considered.”

Sinabi pa ni Brion na nahirapan ang mga examinee sa multiple choice questions o MCQs. Bagama’t sa pagsusulit nitong nakalipas na taon, 20% na lamang ang MCQs at 80% naman ang essay questions.

“Many of our candidates have problems with the MCQ type of questions but generally, they did very well with the essay questions,” saad pa nito.

Pag-aaralan naman ng korte kung pananatilihin o aalisin na ang multiple choice questions sa susunod na bar exams.

Pahayag ni Brion, “MCQs with analytical content, this has been the problem. We have to grapple, in the future, even in the coming 2014 exams, with what to do with MCQs.

Itinakda ang oath-taking ng mga bagong abogado sa Abril 28 sa PICC sa Pasay City. (Roderic Mendoza / Ruth Navales, UNTV News)

University of the Philippines logo (Credits: UP / Wikipedia)

MANILA, Philippines — Aprubado na ng UP Board of Regents ang paglilipat ng academic calendar ng University of the Philippines Diliman campus.

Simula ngayong taon, Agosto hanggang Hulyo na ang magiging pasok ng mga “iskolar ng bayan” sa halip na Hunyo hanggang Mayo.

Una nang inaprubahan ng Board of Regents ang academic calendar shift ng UP campuses sa Baguio, Manila, Los Baños, Visayas at Mindanao.

Ang August class opening ay ipatutupad ng UP sa kabila ng hindi pagpabor ng Commission on Higher Education (CHED) sa paglilipat ng academic calendar. (UNTV News)

Department of Education Assistant Secretary Jesus Mateo (UNTV News)

MANILA, Philippines — Ipinahayag ng Department of Education na hindi ito magpapatupad ng three days a week o tatlong araw sa isang linggo na klase sa mga paaralang sobra ang dami ng mga nagpa-enroll na estudyante.

Ayon sa tala ng ahensya, sa Metro Manila pa lamang ay tumaas na ng .27% o katumbas ng 2.17 million students ang bilang ng mga enrollee sa mga pampublikong paaralan ngayong pasukan.

Ayon kay DepED Assistant Secretary Jesus Mateo, pag-aaralan muna nilang mabuti ang nasabing panukala bago ipatupad.

“Gusto naming linawin na hindi tayo sa ngayon magpapatupad ng three-day school week dahil marami pa tayong pag-aaralan dito, tungkol sa usapin ng mga mag-aaral, yung attention span nila, yung preparation natin para sa mga guro, yung preparation natin para dun sa mga learning material,” saad nito.

Ang solusyon ng kagawaran, “school bussing” o pagbibiyahe ng mga mag-aaral mula sa isang paaralan patungo sa pinakamalapit na paaralang kayang i-accommodate ang karagdagang mga estudyante.

Ang Valenzuela City local government, nangako na ng pagsuporta sa Department of Eeducation na maglalaan ng bus para sa ibang mag-aaral ng Pinalagad Memorial Elementary School annex patungo sa isang paaralan sa Karuhatan.

“Annex, yung sobra dun dadalhin sa Karuhatan by way of provision of transport service para sa ganun mapo-protektahan pa rin natin yung class size, ayaw kasi nating lumobo, samantalang ang Karuhatan ay may sobra pang espasyo,” pahayag pa ni Mateo.

Samantala, nakikipag-usap na rin ang DepED sa Local Government Unit ng Caloocan at Quezon City kung magpapatupad sila ng school bussing dahil may mga paaralan ding sobra ang dami ng mga mag-aaral sa mga nasabing syudad.

Sa kabila nito, binigyang-diin ng DepED na walang classroom shortage sa pangkalahatan. (Rosalie Coz / Ruth Navales, UNTV News)

Ang pag-iinspeksyon na ginawa ng mga tauhan ng LTFRB sa isang school service na ito sa pagbubukas ng klase. (UNTV News)

MANILA, Philippines — Nag-inspeksyon ang Land Transportation Franchising and Regulatory Board (LTFRB) sa mga school service sa Metro Manila upang masiguro ang kaligtasan ng mga estudyanteng sumasakay dito.

Ayon sa LTFRB, dapat ay may prangkisa ang mga school service mula sa ahensya at accreditation mula sa eskwelahan.

Kailangan din na mayroon itong wastong markings, well maintained ang mga sasakyan, may pinturang dilaw na may zebra stripes, may grills ang bintana, mayroong seatbelt at may pangalan at contact number ng operator.

Umapila naman ang LTFRB sa mga local government unit na i-monitor ang overloading sa mga tricycle na ginagawang school service.

Hindi nasasakop ng ahensya ang mga tricycle at bisikleta na ginagawang school service kaya’t hinihiling din ng ahensya na ma-regulate ito.

Ayon kay LTRFRB Chairman Winston Ginez, hangga’t maaari ay apat na pasahero lamang ang pinakamaraming sakay ng isang tricycle.

Samantala, nakatakdang i-phase out na ng LTFRB ang lahat ng mga school service na labing limang taon pataas ang edad. Ayon sa ahensya, kailangan na itong palitan ng brand new na sasakyan.

Hindi na rin maglalabas ang LTFRB ng prangkisa sa lahat ng mga 15-year old na mga school service. (Mon Jocson / Ruth Navales, UNTV News)

Ang ilan sa mga kawani ng Pambansang Pulisya na dumestino sa mga paaralan upang tiyakin ang seguridad at kapayapaan sa muling pagbabalik-eskwela ng mga mag-aaral ngayong araw ng Lunes, June 02, 2014. (UNTV News)

MANILA, Philippines — Mapayapa sa pangkalahatan ang unang araw ng klase sa mga pampublikong paaralan ngayong araw, Lunes.

Sinabi ni PNP PIO Chief P/CSupt. Reuben Theodore Sindac na bagama’t nasa mahigit 20-milyong estudyante ang dumagsa sa mga paaralan sa buong bansa ay wala naman silang naitalang krimen.

“Naging maayos at mapayapa at naging smooth ang unang salvo ng pagbabalik ng ating mga magaaral sa kani kanilang eskwelahan.”

Ipinagmalaki din ng pamunuan ng PNP na mahigit 18-libong tauhan ang kanilang itinalaga sa may 7,500 police assistance desk sa mga eskwelahan sa buong bansa.

Habang 2,500 namang mga pulis sa Metro Manila ang naka-concentrate sa pagbabantay sa paligid ng mga paaralan.

“We have deploy more or less 18K personnel nationwide,” pahayag ni PNP Chief Director General Alan Purisima.

Kabilang sa mga tinututukan ng mga pulis ang mga petty crimes tulad ng snatching, robbery at hold up na kadalasang mga estudyante ang biktima.

Binabantayan din ng mga ito ang balitang pambibiktima ng mga drug pusher sa mga estudyante.

“Binabantayan namin yung “libreng tikim” kaya’t nananawagan kami sa mga kabataan na huwag tumanggap ng kahit anong pagkain o regalo sa hindi nila kilalang tao o sa estranghero,” pahayag pa ni Sindac. (Lea Ylagan / Ruth Navales, UNTV News)

Ang tent sa San Remigio National High School sa Cebu na pinagdarausan ng klase upang mapunan kakulangan ng silid-aralan dahil sa ang ilan sa mga ito ay nasira ng Bagyong Yolanda. (UNTV News)

CEBU CITY, Philippines — Gumamit ng tent bilang classroom ang mga magaaral sa San Remigio National High School sa Northern Cebu dahil sa kakulangan ng silid-aralan matapos masira ang ilan sa mga ito dahil sa pananalasa ng Super Typhoon Yolanda noong nakaraang taon.

Sa ngayon ay kulang pa ang paaralan ng labing apat na classrooms para sa mahigit 1,800 estudyante.

Apat na klase mula sa Grade 8 at second year ang gumagamit ng dalawang malalaking tent na ipinahiram ng non-government organization.

Isang sections din ay sa stage na ng paaralan nagsasagawa ng klase.

Mula umaga hanggang hapon ang pasok ng mga magaaral, kaya naman panay ang paypay ng mga estudyante at guro habang nagkaklase.

Maya’t maya din ang pagbuhat ng mga arm chair at lamesa ng guro upang iwasan ang mainit na sikat ng araw.

Ayon sa principal ng paaralan, pawang minor repair pa lamang ang naisagawa sa mga classroom na sinira ng Bagyong Yolanda dahil kulang pa sa budget.

Ayon sa DepED Provincial Office, kasama ang San Remigio National High School sa mga paaralan na napiling bigyan ng budget para sa unang batch ng school repairs na lalaanan ng mahigit P14-milyon.

Nakikiusap naman ang pamunuan ng paaralan na sana ay bilisan ang pagpapalabas ng pondo upang hindi maapektuhan ang pag-aaral ng mga bata. (Naomi Sorianosos / Ruth Navales, UNTV News)

Isa sa mga volunteer ng Balik-Eskwela command center ng Department of Education (DepED) habang binibigyan ng kaukulang impormasyon ang kausap nito sa telepono (UNTV News)

MANILA, Philippines – Malaki ang naitulong ng Balik-Eskwela command center ng Department of Education (DepED) sa mga batang naantala sa pagpapa-enroll ngayong pasukan.

As of June 2, 194 na mga batang may suliranin sa school requirements ang nabigyan ng endorsement ng DepED upang pahintulutang makapag-enroll sa iba’t ibang paaralan.

Pangunahin rin sa inilalapit sa command center sa dalawang linggong operasyon nito ay pangongolekta ng iba’t ibang school fee at polisiya sa mga paaralan.

Ayon sa monitoring unit ng DepED, kumpara sa mga nakalipas na taon, bumaba ang bilang ng mga reklamo at hinaing na tinatanggap nila ngayon.

“Ang kadalasan pa ring nakukuhang tanong ay yung sa transfer from private to public,” pahayag ni DepED Asec. Jesus Mateo.

As of June 2, 205 ang kabuoang bilang ng mga hinaing at concern ang nailapit na sa DepED Action Center.

Muli namang nagpaalaala ang kagawaran tungkol sa pangongolekta ng school fee.

Dapat ay napagkasunduan ng Parent-Teachers Association at hindi sapilitan ang mga kontribusyon.

Hindi rin pinahihintulutan ang mga guro o mga school personnel na mangolekta. (Rosalie Coz / Ruth Navales, UNTV News)

Department of Education Logo

Mula sa Tanggapan ng Pamapanguluhang Pagpapaunlad at Pagpaplanong Istratehikong Pangkomunikasyon

Walang sapilitang bayarin

Hindi sapilitan para sa kahit sinong mag-aaral ng pampublikong paaralan, mula Grade 5 hanggang high school, na magbayad ng kahit anong bayarin mula Hunyo hanggang Hulyo. Ang mga Kindergarten hanggang Grade 4 na mag-aaral ay walang babayaran para sa buong taon.

Simula Agosto, maaaring magboluntaryo ang mga mag-aaral–bagamat hindi kailangan–na magbayad para sa sumusunod:

• P50 sa Boy Scouts of the Philippines,
• P50 sa Girl Scouts of the Philippines,
• P50 para sa Philippine Red Cross,
• P5 para sa Anti-TB Fund,
• Para sa Parent-Teachers Association (PTA)*,
• P60 para sa mga mag-aaral sa elementarya at P90 sa high school para sa School Publication fees,
• para sa pagsali sa mga  samahang pangmag-aaral.**

*Pagkakasunduan ang halaga ng kontribusyon sa General Assembly

*Ang mga kontribusyon sa PTA ay nakabatay sa bawat miyembro, at hindi sa bilang ng mga anak na naka-enroll sa paaralan.

*Hindi maaaring makialam sa anumang paraan ang mga opisyal at kawani ng paaralan sa paggamit ng koleksyon. Hindi maaaring magbenta ang mga opisyal at kawani ng paaralan o ipilit  ang pagbili ng mga estudyante ng mga gamit-pampaaralan (hal. workbooks, test booklets)

**Ang mga bayad sa pagsali o membership fees ay itatalaga ng organisasyon, sang-ayon sa patakaran ng paaralan hinggil sa mga student organizations.

Mga dapat bigyang pansin

• Ang hindi pagbabayad ng mga boluntaryong kontribusyon ay hindi batayan ng pagtanggap, pag-akyat ng baitang, o pagbibigay ng clearance.
• Ang mga mag-aaral na pasado sa taon ay maaari nang umusad sa susunod na baitang at awtomatiko nang naka-enroll para sa susunod na taon sa parehong paaralan.
• Ang mga mag-aaral na nais magpalipat sa pampublikong paaralan ay kailangang magdala ng kanilang report card (Form 138) sa paaralan na gusto nilang paglipatan. Kung wala pa ang dokumento, maaari pa rin silang tanggapin sa kondisyong ibibigay ang report card nang hindi lalampas sa katapusan ng unang markahan o first grading period.
• Para Grade 5 hanggang High School: ang sagad na laki ng klase ay 60 estudyante at 15 ang pinakakaunti.
• Para sa Grade 1 hanggang Grade 4: hindi dapat lumampas sa 40 ang bilang ng mag-aaral bawat klase hangga’t maaari.
• Hindi sapilitan ang pagsusuot ng uniporme sa mga pampublikong paaralan.
• Binibigyan ng ID card ang mga mag-aaral nang walang bayad.

Read in English

___________________________________

Hango sa: Department of Education Order No. 41, s. 2012

Ang mga pangangailangan sa edukasyon sa Davao Region. (DEPED / UNTV News)

DAVAO CITY, Philippines —  Tulad sa Metro Manila, problema din sa Davao City ang paglobo ng bilang ng mga estudyante sa mga pampublikong paaralan.

Ayon sa Department of Education (DepED-11), isa sa dahilan nito ay ang pag-e-enroll ng mga magulang sa kanilang mga anak sa mga public school sa downtown area kahit mayroon namang mas malapit na eskwelahan sa kanilang tirahan.

Naniniwala umano ang mga ito na mas maganda ang pagtuturo sa mga paaralan na nasa sentro ng lungsod.

Inihalimbawa ni DepED Region 11 Spokesperson Lito Atillo ang Magallanes Elementary School, Kapitan Tomas Monteverde Elementary School at Sta. Ana National Highschool na malalaking paaralan ngunit siksikan naman sa dami ng mag-aaral.

Samantalang ang mga maliliit na paaralan naman ay nangangailangan pa ng enrollees.

Mariin namang pinabulaanan ng DepED na mas maganda ang turo sa malalaking paaralan.

Paliwanag ng kagawaran, iisang teaching system lamang ang sinusunod sa lahat ng public schools sa buong bansa.

Bunsod nito, hinimok ng DepED ang mga magulang na i-enroll ang kanilang mga anak sa mga eskwelahang malapit sa kanila dahil bukod sa pareho din ang matutunan ay makababawas pa sa gastos. (Louell Requilman / Ruth Navales, UNTV News)

Ang ibinigay ng pamahalaan na pondo para sa CHED na nagkakahalaga ng P7.4 Billion para sa student financial assistance program nito. (UNTV News)

MANILA, Philippines — Nagpalabas ng pondo ang pamahalaan na nagkakahalaga ng P7.4 billion para sa 344,000 na mahihirap at deserving college students ngayong school year 2014-2015.

Nakapaloob dito ang state scholarship program, grants-in-aid, at study now pay later plan.

Ayon kay Commission on Higher Education (CHED) Executive Director Julito Vitriolo, sakop din ng pondo ang mga dating iskolar ng mga mambabatas galing sa pondo ng inabolish na Priority Development Assistance Fund (PDAF).

“Pero yung 344,000, yan yung bago na scholarship student financial assistance na anyone including yung mga dating scholar nila can avail of as long as they follow our guidelines.”

Ayon sa CHED, kabilang sa mga maaaring makakuha ng financial assistance grant ay ang mga Filipino high school graduate, candidate for high school graduation, mga nakakuha na ng units sa college at maging ang mga passer sa alternative learning system (ALS) at Philippine Educational Placement Test (PEPT).

Dapat ay may passing grade, ang mga magulang ay may annual gross income ng hindi hihigit sa P300-libo kada taon at hindi pa nakakapag-avail sa anumang scholarship at financial assistance program ng CHED at hindi rin nakapagtapos ng anumang kurso sa college.

“Iga-guarantee namin sa mga SUCs and private schools, babayaran ng CHED yan kasi nandyan na yung pera pagdating ng enrollment dapat tanggapin sila ng SUCs at private,” saad pa ni Vitriolo.

Ayon sa CHED, ngayong taon ay tinatayang nasa tatlong milyong estudyante ang nasa pribado at pampublikong kolehiyo at mahigit sa 400-libo rito ang tinutulungan ng pamahalaan. (Rosalie Coz / Ruth Navales, UNTV News)

Department of Education Region 11 Spokesperson Lito Atillo (PHOTOVILLE International / Albert Alcain)

DAVAO CITY, Philippines — Nagpaalala ang Department of Education-Region 11 sa mga magulang at mag0aaral na hindi pa rin nakapagpapa-enroll para sa school year 2014-2015.

Ayon kay DepED-11 Spokesperson Lito Atillo, hanggang Biyernes (June 6) na lang tatanggap ng mga late enrollee ang lahat ng mga public elementary at high school sa Davao Region at wala ng extension.

“We need to also teach you also a lesson much has been given to you already and then there are so many reasons really in the world you can sight so ganyan talaga I mean if we have our responsibility you also must do your responsibilities.”

Sa pagtaya ng kagawaran ay naging maayos naman ang unang tatlong araw ng pasukan sa buong Davao Region.

Bagama’t may kakulangan pa rin sa mga classroom, humahanap naman ng paraan ng mga public school administrator upang ma-accommodate ang mga enrollee dahil na rin sa ‘no refusal’ policy ng kagawaran.

“1 is to 50 will be enough in our current set up but we can maximize up to 60 that will be dependent on how the chairs will be arranged but if we go beyond that then there is a need to prorate or distribute the children to other classrooms already,” saad pa ni Atillo.

Sa ibinigay na datus ng Deped-11, nangangailangan pa rin ang Region 11 ng 3,296 classrooms para sa elementary; habang 1,447 naman para sa high schools.

Kailangan din ng 2,277 elementary school teachers; at 1,555 high school teachers.

Nagpasalamat naman ang kagawaran sa lahat ng mga stake holder na nakiisa sa isinagawang Brigada Eskwela at mga tumulong upang magkaroon ng maayos na pagbubukas ng klase noong Lunes.

Ani Atillo, “We would like to thank all our partner groups I’m referring to the government agencies and those in the private sector salamat talaga Lalo na yung mga nagbigay ng ayuda sa atin sa panahon ng Brigade Eskwela, UNTV for example really is an epitomy of support for education malaki ang aming pagpapasalamat.”

Sa susunod na linggo pa inaasahang maglalabas ng datus ang DepED kung ilan ang nadagdag na elementary at high school students sa buong rehiyon ngayong school year. (Louell Requilman / Ruth Navales, UNTV News)

DepEd Command Center

MANILA, Philippines —  Hanggang Biyernes na lang magbibigay ng serbisyo ang command center ng Department of Education (DepED) na bahagi ng Oplan Balik Eskwela 2014.

Sa mga magulang at estudyante na may katanungan, magtungo lamang sa DepED main office, simula ala-7 ng umaga hanggang ala-6 ng gabi.

Sa kasalukuyan ay nakapagtala na ang DepED ng kabuoang 271 inquiries, requests, suggestions at recommendations dito.

Nasa 219 na sa mga ito ang naaksyunan na ng kagawaran, habang nasa 39 na ang nai-refer sa iba’t-ibang eskwelahan, at 13 ang kailangang i-follow up.

Bagama’t hanggang bukas na lamang ang command center, sinabi ni DepED Asec. Tonesito Umali na tuluy-tuloy pa rin ang pagbibigay serbisyo ng kagawaran sa pamamagitan ng DepEd DeTXT Action Center.

Sa lahat ng may katanungan, sumbong at anumang suggestion maaari pa ring mag-txt sa 09194560027 o tumawag sa 636-16-63 o di kaya ay mag-email sa action@deped.gov.ph.

Samantala, nilinaw ni Umali na wala pang opisyal na deadline ang pagtanggap ng mga enrollee sa mga pampublikong paaralan sa bansa.

Aniya, mahalaga lamang na magkaroon ng sapat na dahilan kung bakit nahuli sa pagpapaenroll ang isang estudyante.

“Kung mayroon naman silang klaro at sapat na dahilan kung bakit sila nahuli, sila pa rin naman ay ating tatanggapin,” saad ni Umali. (Joan Nano / Ruth Navales, UNTV News)

Department of Education (DepEd) Division of Cebu facade (UNTV News)

CEBU CITY, Philippines – Suportado ng Department of Education (DepED) sa Cebu City ang planong pagsasagawa ng random drug testing sa mga
paaralan sa lungsod.

Ayon kay Rhea Mar Angtud, DepED District Superintendent ng Cebu City, sinusuportahan nila ang panukala ng Cebu City for Substance Abuse Prevention Office na magsagawa ng drug testing lalo na sa high school.

Ito’y matapos mapag-alaman na may mga naitalang kaso ng pagamit ng ipinagbabawal na gamot sa ilang paaralan sa lungsod.

Ayon sa DepED, kailangan ng pahintulot ng mga magulang o guardian ng estudyante ang isasagawang random drug testing.

Tiniyak naman ng kagawaran na hindi isasapubliko ang magiging resulta ng pagsusuri.

Sakaling magpositibo sa test, agad itong ipapaalam sa magulang upang maisailalim sa counselling ang mag-aaral.

Ayon sa DepED, umaabot sa higit 52-libo ang mga magaaral sa high school sa buong siyudad. (Naomi Sorianosos / Ruth Navales, UNTV News)

MANILA, Philippines - Aprubado na ng Commission on Higher Education (CHED) ang hirit na pagtataas ng matrikula ng halos tatlong daang private higher education institutions sa buong bansa.

Ayon sa CHED, 17 porsyento lamang sa kabuoang bilang ng mga pribadong kolehiyo na humiling ng tuition increase ang inaprubahan nito.

Kabilang dito ang 64 na eskwelahan sa National Capital Region (NCR).

Sa Metro Manila, tinatayang aabot sa anim na porsyento o katumbas ng mahigit anim napung piso ang madaragdag sa matrikula ng mga college student. (UNTV News)

DepEd Automatic Class Suspension Guidelines
SOURCE : Official Gazette of the Republic of the Philippines

From the Department of Education via Official Gazette

As the Philippine Atmospheric, Geophysical and Astronomical Services Administration (PAG-ASA) announces the onset of the rainy season, the Department of Education (DepEd) reminds the public of the rules for class suspensions.

“The Department is working together with the local government units to ensure that our learners and teachers are and will be safe during rainy season,” Education Secretary Br. Armin Luistro said.

Undersecretary for Regional Operations Rizalino Rivera said, “Ang kaligtasan ng mga mag-aaral at mga guro ay dapat nating bigyan ng prayorirad. (We should give priority to the safety of our learners and teachers.)”

Pursuant to Executive Order No. 66, s. 2012, signed by President Benigno S. Aquino III, “In the absence of typhoon signal warnings, localized cancellation or suspension of classes and work in government offices may be implemented by local chief executives, as chairmen of the Local Disaster Risk Reduction and Management Council (LDRRMC) concerned, in coordination with PAGASA and the NDRRMC, specifically in flood-prone or high risk areas.”

The rules on automatic suspension of classes remain the same: Storm Signal No. 1 suspends classes in kindergarten; Signal No. 2 suspends classes in kindergarten, elementary, and high school; and Signal No. 3 suspends classes from kindergarten to college, including graduate schools and government offices.

Active participation in disaster-preparedness 

DepEd also reiterated its call for community’s participation in school disaster preparedness to minimize risks and ensure learners’ continued access to education.

Luistro said, “We encourage our schools to continue to involve the students, their families, and their communities in preparing for disasters as this is an effective method in raising their awareness about risk reduction.”

“With the help of our partners in education from public institutions, both local and national, private sector, non-government organizations, and other stakeholders, we continue to make our schools safe and resilient,” he said.

deped.gov.ph

Ang signage ng bagong bukas na barangay high school sa bulubunduking bahagi ng Uson, Masbate (UNTV News)

MASBATE, Philippines – Nagbukas na ang barangay high school sa bulubunduking bahagi ng Simawa, bayan ng Uson, Masbate.

Tinatayang mahigit isandaang mahihirap na kabataan mula sa anim na barangay ang makikinabang sa bagong tayong barangay high school.

Kabilang sa mga ito ang Barangay Libertad, Centro, Madao, San jose, Bonifacio at Simawa.

Dalawang silid-aralan ang pasimulang magagamit ng mga estudyante : dalawang section sa grade 7 habang tatlong guro naman ang ipinadala ng DepEd Masbate upang magturo doon.

Nanghiram pansamantala ng mga upuan, textbook at module ang DepEd Masbate at barangay officials sa mga kalapit na high school sa bayan ng Uson.

Ayon kay Barangay Captain Reynaldo Etomay, sinikap ng mga barangay official na masimulan ngayong school year ang barangay high school para na rin makapag-aral ang mga kabataan sa kanilang lugar sa kabila ng problema sa kahirapan.

“Yung mga application, dahil duon sa mga reporter ng UNTV. Ipinanood sa kanila yung kuha nung nakaraan kaya may alam na si Ma’am Jeany. Kaya nung paglatag namin duon nung mga papeles, hindi na kami nahirapang magpaliwanag para siya makumbinsi at isa pa, naihanda na naming yung mga dokumentong kinakailangan. Napakalaking tulong po sa mga kabataan. Nakikita ko yung pagod ng kabataan na pupunta doon sa ibang eskwelahan, sa layo at isa pa po, napakalaking tipid sa mga magulang sa nagyari na may eskwelahan na dito. Nawawala yung pagod ko. Hindi ko na inalintana yung hirap dahil nakikita ko yung mga kabataan”

Bukod sa kawalan ng pera, problema rin dito ang transportasyon dahil kailangang sumakay ng habal-habal na lubhang mapanganib; bukod pa sa tatlong sapa na kailangang tawirin na tumataas pa ang tubig kapag umuulan.

Paalala ng Assistant Division Superintendent  sa pagdalaw nito na sikaping huwag lumiban sa klase na nagiging resulta ng dropouts.

“Let help us this school progres. We also looking forward to this institution a lifetime institution to our children. This barangay particularly nearby barangays because the distance this barangays to nearby school according to locals, mga 12 kilometers daw ito more or less from Simawa to Buenavista, so at least yung accessibility ng eskwelahan sa kanila ibinigay natin but we are not only after to the accessibilty. We also provide the quality education that is why we already detail at least three teachers  to this school. Siguro di natin madadagdagan yung teachers kasi this teachers are assign to their respective school. We just borrowed them para at least may maghandle dito na nationally funded”, ani Jeany Postrado, Assistant Division Superintendent  ng DepEd Masbate.

Kung mababawasan ang enrollees at tuluyang mangaunti ang estudyante, posibleng magsara ang naturang eskwelahan.

Malaking pasasalamat ng mga estudyante sa pagkakaroon ng barangay high school sa kanilang lugar na mas malaking alwan sa kanilang gastusin kaysa sa mga paaralan sa kapatagan sila mag-aaral. (Gerry Galicia, UNTV News)

Si Maria Sereno Diokno, chairperson ng CHED Technical Panel for General Education (UNTV News)

MANILA, Philippines – Nagtipon-tipon University of the Philippines (UP) ang mga guro at estudyante mula sa iba’t-ibang unibersidad sa bansa upang ipahayag ang pagtutol sa pagaalis ng Filipino subjects sa kolehiyo.

Ayon kay Alliance of Concerned Teachers Representative Antonio Tinio, tinatayang aabot sa halos sampung libong mga guro ang posibleng mawalan ng trabaho sakaling ipatupad ito.

“Kung tatanggalin natin yung wikang tagalog or wikang Filipino sa kolehiyo, mawawalan tayo ng sapat na pundasyon para maintindihan natin yung socio-culutural make-up,” pahayag ni Kling Malaco, estudyante.

“Parang tinanggalan mo na din ng karapatan ang mga estudyante na malaman din yung tungkol sa identity nila, kultura natin,” saad naman ni Menkar Santos na isa ring estudyante.

Itinanggi naman ng Commission on Higher Education (CHED) na ang pagbabago sa general education curriculum ay posibleng maging sanhi ng pagkatanggal sa trabaho ng mga guro.

Paliwanag ng CHED, dahil sa K-12 curriculum sa mga eskwelahan ay dalawang taon ang idinagdag sa basic education at karamihan sa mga course na itinuturo sa kolehiyo ay maituturo na sa grade 11 at 12 sa ilalim ng K-12 program.

“Sa tingin po ng technical panel hindi naman tama na kukunin na naman ng mga estudyante sa grades 11 at 12 tapos uulitin nila yung mga subjects na yun pagpasok sa college so we removed the remedial courses,” paliwanag ni Maria Sereno Diokno, ang chairperson ng CHED Technical Panel for General Education.

Inirekomenda na rin ng Technical Panel for General Education ng ahensya ang pagkakaroon ng 9 units sa kolehiyo na ituturo gamit ang wikang Filipino.

“We the technical panel recommended to the commission to Chairperson Licuanan that of the 36 units under GE at least 9 units will be thought in Filipino, pero what courses will this be, will not be determined by the ched but by the college or university,” saad pa ni Diokno. (Joan Nano / Ruth Navales, UNTV News)

DepEd Secretary Armin Luistro (UNTV News)

MANILA, Philippines — Nagsasagawa na sa kasalukuyan ng rapid damage assessment ang  Department of Education (DepED) sa mga eskwelahan sa bansa kaugnay ng pananalasa ng Bagyong Glenda.

“Ang ginagawa natin ngayon ay rapid assessment at ito po yung humihingi kami ng datos mula sa mga principal mismo kung ano yung nangyari sa kanilang eskwelahan,” pahayag ni DepED Secretary Armin Luistro.

Sa datos ng DepED, tinatayang nasa 115 school divisions sa labindalawang rehiyon, ang naapektuhan ng malakas na ulan at hangin na dulot ng bagyo.

Sa kasalukuyan ay nasa halos limampung school division pa lamang ang nakapag-resume ng klase.

Ayon kay Luistro, umabot sa mahigit 100 eskwelahan ang nagamit na evacuation center.

Sinabi ng kalihim na sa ngayon ay patuloy ang pakikipagugnayan ng DepED division offices sa mga local government units upang makapag-resume na ng klase at makapagsagawa ng clearing operations kung kinakailangan.

Aminado si Luistro na sa ngayon ay nahihirapan silang i-assess ang mga eskuwelahan sa mga lugar na tinamaan ng bagyo. Aniya, wala pa rin silang natatanggap na report dahil hanggang sa ngayon ay may mga lugar pa rin na walang supply ng kuryente.

Samantala, sa kabila ng ilang araw na suspensyon ng klase ay wala pa ring plano ang kagawaran na magpatupad ng makeup classes.

“Hindi pa siguro kasi alam mo yung bilangan nyan sa bawat quarter meron tayong 200 or so school days tapos yung non-negotiable na kailangan contact time is 180 pagi-divide mo yan by quarters ito yung kauna-unahang bagyo and class disruption sa first grafing period,” paliwanag ni Luistro.

“Yung mga isa dalawang araw lang sakop pa yung ng ating grace period,” dagdag pa nito.

Hinikayat naman ng DepED ang publiko na i-report sa kanilang tanggapan, ang mga ekwelahan na nasira dahil sa Bagyong Glenda sa pamamagitan ng pagpapadala ng mga lawaran at iba pang impormasyon sa DepED twitter account o di kaya ay mag-email sa communications@deped.gov.ph.

Inatasan din ng kalihim ang lahat ng DepED personnel na agad na ipagbigay alam sa kanilang tanggapan ang kalagayan ng lugar na kanilang nasasakupan o di kaya ay makipagugnayan sa DepED Disaster Reduction Management Office sa mga numerong 635-3764, 637-4933,0908-263-0378 o di kaya ay mag-email sa drrmodeped@gmail.com. (Joan Nano / Ruth Navales, UNTV News)